Set i çarçafëve Emotion Owl Dormeo

Një palë çarçafë rezervë, për më shumë pastërti & freski

Është shumë e rëndësishme që rregullisht t’i lani dhe ndërroni çarçafët në dhomën e fëmijëve, për t’u siguruar që po flenë në një ambient të pastër dhe të freskët. Po ashtu, higjiena e mirë ndihmon në parandalimin e alergjive dhe irritimit, duke ju mundësuar gjumë më të qetë. Andaj, një palë çarçafë Emotion Owl do të jenë një dhuratë e çmuar për fëmijët tuaj. Po ashtu, falë dizajnit tërheqës, fëmijët mezi do ta presin kohën e gjumit.

Për gjumë të qetë & ëndrra të ëmbla

Të gjithë i duan bufët, me trupin e tyre të lezetshëm dhe sytë e gjerë e kuriozë. Andaj, Dormeo ju sjellë koleksionin e lodrave të buta dhe çarçafëve Emotion Owl, për të krijuar një ambient më të ngrohtë dhe relaksues në dhomën e fëmijëve tuaj. Tash fëmijët tuaj mund të flenë në një set çarçafësh me dizajn të lezetshëm, që do t’i frymëzojë për gjumë të qetë e ëndrra të ëmbla.

Dizajn 4në1 për më shumë pamje

Këllëfët e jastëkëve dhe jorganit kanë pamje të ndryshme në secilën anë. Njëra anë ka dizajnin e lezetshëm me bufë të zgjuar dhe të fjetur, kurse ana tjetër është njëngjyrëshe. Ju mund t'i kombinoni në katër mënyra të ndryshme, për t'i dhënë dhomës së fëmijëve pamje të re kohë pas kohe. Në dispozicion në dy ngjyra: e kaltër dhe e verdhë.

Materiale natyrale dhe dizajn mahnitës

Këllëfët e jorganit dhe jastëkëve janë të punuar 100% nga pambuku. Ky material natyral dhe jo-alergjik mund të lahet tërësisht në 60°C dhe i ofron lëkurës një ndjesi të mrekullueshme. Pambuku e ruan ngjyrën gjatë dhe bëhet edhe më i butë pas larjeve. Pos që ka materiale cilësore, ky set ka një dizajn mahnitës që secilit fëmijë do t’i pëlqejë.

Dy ngjyra dhe dy madhësi

Seti është në dispozicion në dy ngjyra (e kaltër dhe e verdhë), si dhe dy madhësi:

• Këllëf jorgani 140x200cm + 1 këllëf jastëku 50x70cm
• Këllëf jorgani 200x200cm + 2 këllëfë jastëku 50x70cm

Këllëfët e jastëkut kanë mbyllje me palë për t’i mbajtur jastëkët sigurtë brenda, kurse këllëfi i jorgnait është me zinxhir. Ky set i çarçafëve mund të lahet në 60°C.